إيزيس غانم ومحمد فتحى السيد ( حاربونى بيك وحبة بخار )

( حاربونى بيك ) كلمات الشاعرة إيزيس غانم ( شموس مصرية )
( حبة بخار ) كلمات الشاعر محمد فتحى السيد . ردا على ( حاربونى بيك )
-------------------------------------------
( حاربونى بيك )--( أيزيس غانم )
حاربونى بيك....!!!
وكأن عتمة قلوبهم...
ملهاش إضاءه إلا بيك..!!
مهما قالوا ..ومهما عادوا
هيلاقونى ف برج قلبك
بصّه من شبابيك عينيك..!!
هيلاقونى سهم نارى ..
سهم نافد...
سهم مش خايف مغولى
أو تتارى...
سهم متعطّر بعطرى
جنب عطرك..وانت عطرك..
عطر آدم لما كان....
ف الجنه ساجد !!!
فازاى حبيبى مخوضش حربك..
وازاى أسيب قلبى اللى حبك..
أدّام عوازلى بدون دفاع؟
وازاى هخندق حبى واهرب
وانت اللى بعت عشانى
أغلى ما يباع..!!؟؟
------------------------------------ إيزيس غانم
-------------------------------------------------------------
( حـبة بـخـار )--( محمد فتحى السيد )
سيبيهم يقولوا دي غيرة عـوازل
.. .... و بيني و بينك دا أحلى اخـتـبـار
كلامهم يجيني في طيفك أغازل
.. ..... فـيـهـرب كـلامهم كـحـبة بـخـار
و شـجـرة غـرامـنـا ضـد الـزلازل
.. ..... جذورهـا متـيـنه في أبعـد قـرار
و طيـفك في دمي طالع و نازل
.. ..... و حـبـك في قـلبي قـلعه وفنار
وانتي مكانتك في أعلى المنازل
..... وصورتك كاسيها الشموخ والوقـار
سيبيهم يقولوا دي غيرة عـوازل
.. .... و بيني و بينك دا أحلى اخـتـبـار
كلامهم يجيني في طيفك أغازل
.. ..... فـيـهـرب كـلامهم كـحـبة بـخـار
------------------------------------ محمد فتحى السيد
-------------------------------------------------------------

سجال جميل
سعدت بالمتابعة فشكرا لكم
مودتي واحترامي

» عزة الزرقانى ومحمد فتحى السيد ( نفسك تشوفنى ؟ )
» نجاة عبد الحليم ومحمد فتحى السيد ( كلام ورد غطاه )
» جيهان فتحي ومحمد فتحى السيد ( مانيش هامش )
» منيش هامش ابداع مشترك بين جيهان فتحى ومحمد فتحى
» الشاعر محمد فتحى السيد والشاعرة جيهان فتحى فى سجال عيون القمر . وآراء النقاد