ياشط الحب للشاعر محمد عبد العزيز عطا

ياشط الحب
*********
ياشط الحب
فين مرساك؟
اقرب لك
وارسى معاك
بتسألنى بحبك ليه؟
يرد جوابى
بموت فى هواك
وبتمناك تكون لىّ
ساكن قلبى
ماحد معاك.
ياشط الحب
ليه قاسى؟
وليه ناسى؟
وليه بايع؟
قلوب شرياك
وبترجاك
ياروح قلبى
ما تبعد يوم
سنين عمرى
وقلبلى فداك
ياشط الحب
يامسكر
ياريت تهدى
بقى وفكر
ماتتعكر
سنين العمر
بتعدى
وانا شايلك
هنا ف قلبى
وبالمفتاح
قفلت عليك
ومسنكر
ياشط الحب
ياشوق مرسوم
بصوت مكتوم
وبدمى
ياحب سنين
ياعمرى
ياضى العين
ياقمرى
ياليلى وفرحتى
وهمى
ياروحى انا قلبى
مستنى
ف قربك
قلبى متهنى
فليه تبعد كدا عنى؟
***********
@محمد عبد العزيز عطا@
1/5/2013