توب يامسلم للشاعر محمد عبد العزيز عطا

توب يامسلم
***********
اكذب اكذب ياكذاب
دنيا رخيصة
وأخره عذاب
انسان واطى
ماليكش عتاب
..................
اسرق اسرق
عرق الناس
كُل واتهنى
بدون احساس
بكره النار
هتولع كرشك
وتتحاسب بفلوس الناس
......................
اظلم اظلم
خليك قاسى
ولاخرتك اعمل
ياخى ناسى
يوم ماتموت
راح تخلع لبسك
ويضيع عمرك
والله بلاشى
....................
قول واتكلم ع الاعراض
قول ع الاشرف منك ياض
بكرة تنام ف القبر
وياكلك دود من بطنك
وتبقى تراب
................
طفف طفف
فى الميزان
ابخس ف الكيل
برضوا كمان
روح الجامع يلا وصلى
واطلع احلف بالايمان
ان البيعة دى خسرانه
والتلتين انت كسبان
بكرة تموت وماتاخد حاجة
غير عملك والله ياشيطان
.............................
ليه بعّدنا عن الاسلام
والحرّ بنوصفه بجبان
ليه التوبه بنهرب منها
والله الدنياماليها أمان ؟
يلا بسرعة ياراجل توب
ما كفاية فى العمر ذنوب
ربك والله رب قلوب
غفار ورحيم
ادعى ربك واترجّاه
حتفوز برضاه
وتعيش فى نعيم
...............................
@@محمد عبد العزيز عطا@@
1/11/2013