ظاهرة التحرش الاشتراكي!!

انا مت قريب...... متزعليش
لما شفتك ولمستك وهتكتك،،، ده كان عفريتي،، مش حقيقي،، متخافيش
وشوية ناس بتتفرج او بتصور،، دول صحابي الشياطين،، متستنجديش
أصل يعني بعد الموت،،، متاأخذنيش
ان مسكتك وزنقتك ونهشتك... متستغربيش
من وانا عيل؛ عنك بعيد ومتغرب
من وانا عشر سنين؛ اسكت عيب اوعي تقــــــــرب
ولما بلغت؛ بصراحة الموضوع زاد،،، نفسي أجرب
وشوية أفلام ونكت واغاني؛ علي النت كله بيتسرب
اسمعيني، انتي وانتي ام،،، مربتيش
وانتي اخت،، متكلمتيش
وانتي زوجة،، مبتعرفيش
مشغولة تعبانة مكسوفة مجبورة مضغوطة معزولة
انا ذنب امي ايه يا ستي؟؟؟؟؟؟؟؟ متعاتبنيش
تعرفي؟ انا لما كنت بصلي؛
كنت بصلي عشان عندي شوية طلبات
عشان ربنا يساعدني في الامتحانات
او يعني يديني .. شوية حاجات
والوعظة كانت كله حرام، حرام، وبعدين لما كل حاجة حرام،
اللي عندي ده اعمل فيه ايه اقط.ع.ـة
خدي مني الكلام المفيد؛
قولي لابويا يتكلم معايا يفهمني
قولي لاخويا الكبير يصاحبني
مدّرستي تعلمني، وكمان الوعظة تلمسني
قولي للدولة متحجبش المواقع الإباحية
تحجب التعليم الخاطئ والوعظة الدونية
قولي للسبكي يرحم امي، ولنانسي تقفل شوية الجلابية
ربيني الأول وبعدين حاسبيني هي دي القضية
>>>>>>>>>>>>>>>>>>>>>>>>>
بقلم مايكل لحظي