الشاعر عادل شوقى

ربك ده رب قلوب
وهو عالم بحالك
اذا كنت ناوى اتوب
او كان شيطانك وحالك
--------------
عادل شوقى

الناس بالناس بقولها
فيش حد بيعيش لوحده
والسكه مهما يكون طولها
الكل رايح للحده

ملضومه روحك بروحى
وطريقى تشبه طريقك
طيب جروحى وجروحك
وبل ريقى وريقك

الكلمه صادقه تكون
زى الرصاص الحى
ق قلب السكوت
وتنور اللى جاى

ملضومه روحك بروحى
وطريقى تشبه طريقك
طيب جروحى وجروحك
وبل ريقى وريقك
----------------
حبيبى سابنى بلا اعذار
ولا حتى جانى بريده
فى بعده انا مكوى بالنار
مش ذنبى انى بريده
--------------
الحب فى الله يدوم
ملعون يا حب المصالح
سعات تلاقينى مهموم
وسعات لروحى بصالح
----------------
امشيها فى الدنيا مظبوط
واعرف حلالك حرامك
هتعشها راضى ومبسوط
لو كان غطاك من حرامك
---------------
ربك ده رب قلوب
وهو عالم بحالك
اذا كنت ناوى اتوب
او كان شيطانك وحالك
---------------
اعملك طوق نجاه
وامدلك ايدى
وافتل حبال الموده
مبرومه بوريدى
ويوم ما نتلاقى
ده يبقى يوم عيدى
------------------

الكلمه صادقه تكون
زى الرصاص الحى
تشق قلب السكوت
وتنور اللى جاى
------------
الناس بالناس بقولها
فيش حد بيعيش لوحده
والسكه مهما يكون طولها
الكل رايح للحده
--------------
برمى السلام بالادب
ياللى انتوا له اهله
الاحترام ليكوا وجب
والحب تستهلوا
-----------------
ليك الجواب مردود
يا ابو قلب طيب وطاهر
حبك فى القلب موجود
وده قول باطن وظاهر
-------------------
ياللى رميت الشبك
صياد ومن يومك
الحرف بيك اتشبك
وعام على عومك
-------------

فيه ناس سعات تجرك
لاكن ما بتضرش
وناس سعات تفرحك
وحالها ما يسرش
--------------------
أصلي الجمال ألوان
مش بس بالمنظر
والأصل له عنوان
واحد ومش اكتر
-----------------
لغير ربي ما بشكيش
لو حتي زادت همومي
غير الرضا تلاقيش
الصبر لابسه هدومي
---------------
الروح ملك اللي خالق
ولكل واحد يومينه
هيجي يوم راح نفارق
يا بخت اللي قدم يمينه
---------------
واعي قلبك ووصيه
الندل كيف سم قاتل
أياك تحن ليه
مزروع شوكه في مشاتل
------------------

شايف الحياه متاهات
ودروب وشوارع
وببعت السلامات
وللأمل زارع
---------------
باين عليها ما فضاش
القلب عبي ما فضه
وناس دهب ما تلقاش
مش باقي غير ناس فضه
----------------
نادم علي حبكم
ياللي انتوا بعتوني
الذنب كان ذنبكم
فبلاش تعتبوني
-------------
الدنيا ماشيه ما وقفاش
والخلق بقيت مصايب
في الكدب قطر قشاش
وتملي علي الخلق عايب
-------------
مش بالكلام أو حلاوته
تحكم علي الإنسان
من فعله ورد فعله
تلاقي اصله يبان
-------------
فارد قلوعك علي مين
مهما هتملك أراضي
الناس راسين وعارفين
مين الاصيل ياللي واطي
--------------
بيمد أيده في معونك
ياكل ويشرب ويشبع
ولا مره يبقي في عونك
وساعة الجد يرجع
------------------
الكلمه م اللي يحبك
مهما تكون مره
طالعه بضمير صافي
مش حلوه من بره
---------------
أنا كاره المحلسه
والطبطبه والكدب
وانشالله أفضل كده
لا اقدر أقوم ولا أشب
---------------

فيه ناس كلامها عسل
وفيه ناس كلامها مر
وفيه وشوش تفرحك
وفيه وشوش ما تسر
--------------
فيه ناس كلامها عسل
وطبعها شين مر
وفيه ناس لو تجرحك
بتنفعك ما تضر
--------------
لو كلمة الحق مره
وطعمها علقم
الحر علي غدر
عمره ما يتندم
---------------
الحق مهما يكون مر
تلاقيه عارف صحابه
والحر ما يماشي غير حر
لو حتي الكل عابه
--------------
هو اللي رفع السما
هو اللي سوا الأرض
في قلوبنا زرع الأمل
واجب نصلي الفرض
--------------
الهم عامله جلاليب
والحزن لابسه سديري
والجرح خدني حبيب
وما لوش حبيب غيري
---------------
دبلان وتعبان
والحزن شادد ف حيله
ورانا الهم ألوان
واصل نهاره ب ليله
---------------

أنا في البحور غواص
عويم علي كيفك
والرك علي الاخلاص
والواو تكون ضيفك
-----------------
أحدف معاك الشبك
في الواو نتقاسم
القلب بيك أتشبك
وادي مية يمين قاسم
---------------
الرزق لو يتقسم
بيزيد وما يخسش
ليك اسم زي العلم
أنا جنبه ما تحسش
-----------------
الواو تنسي الهموم
وسعات تمحيها
علمت قلبي العوم
علشان أعوم فيها
---------------
ياللي مقامك كبير
ده بس من ذوقك
في القول أنت الامير
وده بس من شوقك
------------------
بطلق لفكري البراح
وارجع أقف ع الشط
عاوز أكون سباح
لساي بفك الخط
---------------
ربان سفينة الشعر
منك بنتعلم
في الرابطه شوفنا السحر
وعرفنا نتكلم
----------------
متربين ع الود
نحفظ للناس حقوقها
لما القلوب بترق
ربك يطفي شوقها
---------------
عملت من قلبي شط
وعليه دقيت شماسي
وبلجم الفكر لو شط
والقول تقيل وراسي
----------------
يا كاتب الكلام بالادب
حبك مجمعنا
لو يسألوا ع السبب
سؤال ما لوش معني
---------------

أنا واوي زي الرصاص
نشانها ما يخيب
وكلامي زي الدهب
وحلاوته بتشيب
---------------
لابس عباية الأدب
في الواو بنفحر
ليا كلام فيه عجب
ولسه بتبحر
--------------
وبعد ما نهتدي
ونصلي علي الهادي
فيه قول يساوي الدهب
وفيه قول يكون عادي
---------------
الواو روتها بأمل
طلعت بتضحكلي
جنس الجزاء م العمل
ياللي بتفحتلي
-------------
ضاعت آلام وجراح
بس الدوا معدوم
الفرح عاوز البراح
عندي الالم معزوم
---------------
يا نور البدر في بعادك
لا ناس ولا دنيا تحلالي
وقلبي اشتاق لمعادك
فحن عليه تعالالي
--------------
ياللي أنت واوك مطر
أنا واوي نار حاميه
تظهر تكش البشر
ولا حاجه تكون حاميه
---------------
توب الوداد انقطع
ينفعش يترقع
والكلمه ف المرجله
100عيب لو ترجع
--------------
ليك باع طويل في الأدب
يا أبو القليب طاهر
ليك نور يضاهي القمر
باطنك كما الظاهر
--------------

» الشاعر عادل شوقى
» إهداء من الشاعر عادل شوقى
» الشاعر عادل صابر‏ ( على جرح غزة )
» من فن الواو ( الدنيا ) الشاعر عادل صابر
» اهداء من الشاعر محمد فتحى للشاعر عادل صابر