كلمات مهداة للشاعر محمد فتحى السيد من مجموعة شعراء

إهداءات من شعراء العامية المصرية
للشاعر محمد فتحى السيد
---------------------------
الشاعر / عادل صابر
الى شاعر مصر الكبير محمد فتحى
*****************
لما اقرا شعرك يافتحى
تجرى دموعى طبابــــة
والعشق ابدا مافات حى
كيف العليل والطبابـــا !!
----------------
شعرك يابو العم حِرجان
والعشق عندك جـــزاير
الأنس تاهوا وحار جـــان
لو مرة شعرك جا-زايـــر
-----------------
يابوخالو قولك دا موا-عيش...(ماء وعيش)
شاعر وحافــــظ فنــونــك
م الهم نضرى دا مواعيش
عسى نونى ياجى فى نونك
----------------
الشعر نبتُـــه كنبتــــك
وسمارُه من لون سمارك
الفَرشـــة هو وكنبتــك
من بحره طــــــارح ثمارك
-----------------
ولا كل من حب قال قول
ولاكل عاشق جا-رايـــــح
قولك يابو العم قلقـــــول
جات ضربته فى الجرايح
----------------
شعرك دا للجرح طيّاب
واالشعر عندك مساكن
كما نخل واقف فى طيّاب
وف غير ديارك ماساكن!!
----------------
القـــول بايـــدك مَلَكْته
وفتلت منــــه حِبــــالك
ربــك عطالك ملكتـــــه
وهرب من امـــه وحَبالك
---------------
القـــول وجالك بلَمُّــــه
زهجان مربــرب بطينُــه
كيف طفل عايش بلاامه
جالك وفـــــارد باطينه
--------------
وغزلت قــــــولك بنولك
هفصَّلت للناس خـــلايق
والشعرا قُبَّــة بنـــولك
واجب تزورها الخـــلايق
..........................
الشاعر / عادل صابر
------------------------------------
الشاعر مجدى فرج عامر
Magdi Farag Amer
-----------------
كلمات بسيطه ملؤها الحب مقدمة لأستاذنا
الشاعر محمد فتحي السيد
كتبتها تعليقا علي مقطع من إبداعاته
في فن مربعات الأرابيسك
------------------
كل الحروف قامت
أتحزمت رقصت
وفيه حروف عامت
وحروف كتير غطست
مقامات كمان زادت
وتفعيلات نقصت
وكتير حروف دانت
لفتحي واتنشرت
معانيها ما اتهانت
ولا عمرها أندثرت
جراح حروفه طابت
شفايفها وانتفخت
كل الحروف نادت
علي فتحي وابتسمت
---------------
الشاعر مجدى فرج عامر
Magdi Farag Amer


-----------------------------------------

الشاعر الحسينى منير الشربينى
______________________
محمد فتحى استاذى الجليل
ابن البلد الأصيل قلبى إليك بيميل
مخلص وقلبك ضى واحساسك جميل
شاعر ووزنك فى ميزان الشعر تقيل
حبك محتاج كتاب مساحة الف ميل
اصلك انسان نبيل
----------------------------------------
الشاعر حسن أحمد التلاوى  
-------------
اللى يحب الحروف
ييجى هنا يسمع
شاعر كبير معروف
بكلامه نستمتع
الكلمة منه بألوف
راجل اصيل مجدع
وياما منه نشوف
ويعيش لنا ويبدع
-------------
الشاعر حسن أحمد التلاوى  
------------------------------------------