مربعات فن الواو . ابراهيم احمد

لمان انوى واقول
الكل يسمع بصنت
انا هم الخلق اعول
واقضى حاجتهم بصمت

ع الارض حبرى اتكب
وورقى ف الهوا طار
من يوم ماصاحبت كلب
ما خلى ليا اسرار

ولكل قطر محطه
ادينى واققف ناظرهم
قابلت خلق منحطه
طلع صحبنا ناظرهم

ياما ف القلوب عتمات
ونفوس زايد عشمها
كيف توعظ ياخى اللى مات
والخلق زايد غشمها

سعيد ابو طبع هادى
فراقك ف الحشا حازز
يا رب اغفر لأبو ابوهادى
لساته ف القلوب عازز
رحمه الله عليك يا استاذ سعيد عبد الهادى
نشهد لك بلاخلاق والحكمه والتواضع
نسألكم الفاتحه

[b]اما جينا نرمح طبونا
وربطو ف اديناسلاسل
صبحتى يابلدى طبونه
والعيش مسكاه اماثل[b]

سقونا ف الفرح شربات
وقالولنا جاهز عشانا
اتارى فيهم الشر بات
وناصبين مشانق عشانا

اياك تماشى اللى غشك
ومن ابن اللئيمه حرص
ف قفاق يخرب ف عشك
وياجى ف وشك يعرص

يا صاحبى اخريتها ميته
لى الكل قبح فى عملك
دا اخوك ع الحق غميته
ونست مين اللى عملك

اول ما ابدى اقول
صلو ع خير البريه
تاهت ف وصفه عقول
وتهمهم منه بريه

الحب عاشق ومعشوق
واحنا ف اولى بندرس
لقيناها غيره مع شوق
جرينا ع القمح ندرس

دا علينا عضو النواجز
وفينا عابو بأقاويلهم
تع شوفى يام العواجز
ع حبى كنت اقاولهم

زرعت ف ارضى قصايب
لفلاف طلعلى وخنقها
ولاشوفت غير النصايب
من خلق ذايد خناقها

من خد ع الباطل مايسلاه
وربك عليم النوايا
دا النخل مهما علاه
ف الاصل كانت نوايا

بردك اللى ليك ليك
ولابد ياجى معدول
ياخلق كفايه لكليك
ف القبرالكل معزول

» هلال ابراهيم . مربعات فن الواو
» من مربعات فن الواو
» مربعات من فن الواو
» كمال الحمراني ( على الربابه ) من مربعات فن الواو
» مساجلة فى مربعات فن الواو . مجموعة شعراء