رابطة شعراء العامية المصرية
رابطة شعراء العامية المصرية
رابطة شعراء العامية المصرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةأحدث الصورالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

 

 تل بركة ديوان لم ينشر بعد

اذهب الى الأسفل 
كاتب الموضوعرسالة
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: تل بركة ديوان لم ينشر بعد   تل بركة ديوان لم ينشر بعد I_icon_minitimeالخميس 8 مايو 2014 - 13:48

ولا بخاطري............

ولابخاطري أكون زي الشجر واقف
وقلبي عليل
أنا ماعرفش اكون غنوة يدوسها الليل
أنا ماعرفشي اكون كداب
ولو جاني الزمن يزعق
أرد الباب
ولابخاطري
أكون قلقان من اللي جاي
فحن عليا ياصاحبي وقولي ازاي؟
قصاد عينك مدي واسع
ومش شايف طراطيفي
أكونشي ف ضحكتي واهم
أكونشي ف ضحكتي كداب
أكونشي ف قولي باتمرجح
مابين زيف الحروف باحبي
وبيني وبينها شكل سراب
أكون كداب
يجوز انفع
ولابخاطري أكون كداب
***********
الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالخميس 8 مايو 2014 - 13:49

ولو بالملح.........


ولو بالملح
أكلها بس ماانذلش
ولاأقبلشي.....
أكون صوت الأمل طالع
وجوايا يزيد الجرح
ولو بالملح.....
أنا بارفض يكون الزاد قصاد موتي
قصاد صوتي
يكون منحاش
أنا بارفض تموت الصرخة جوايا
واعيش بينكم يادوب قصة
دراما تحش ف حشايا
ولو بالملح........
أسد جروحي واطمن
علي بكرة ماهوش غدار
ماهوش مسمار ف ضهري يحش
وانا مااقبلش
أكون كرباج لصوت مهزوم
مالهشي نهار
ولو بالملح ...........
هاتتقضي بعون الله
وابوس أيدي ف ليل ونهار
أنا راضي
أنا راضي
أنا راضي
الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالخميس 8 مايو 2014 - 13:55

الليل...................

الليل مضي..................
لملم عبايته ف توب سواد
هل الميعاد
شاور بإيده لكل حي
أنا برضو جي
مهما تكون التجربة
النبض حي وألف حي
جايز هاقابل ف الطريق
حلم انسرق
أو توب ملايكة والبشر
فاردينه ضي
جايز هاقابل ناي حزين
أعزف عليه وتر السكات
اللحن يفلت م الثبات
يرفض يخوض التجربة
جايز يكون الليل مضي
لكنه جي
لو مرة تاه مني الطريق
أو صدري بالأحزان يضيق
لامرة هاشكي من بعاد
ولاهاشتكي ظلم الصديق
الليل مضي
ساحب معاه ضي القمر
ياهلتري هو سحب مني الحياة؟
ولاادا كان المفترض
لحظة سفر!!!!!!!!!!!!!!
الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 9:52

بين البنين



علي جمر الطريق ماشي
ساعات باحتار مابين نفسي
وبين دنيا ماتبقاشي
امد خطاوي مفرودة علي الجنبين
دا جمب التوهة والحيرة
وضحكة نصها عيرة
وبين الاتنين
ماتكتمشي الظنون جواك
نداني الهاتف المجهول
وبوح بالسر لو مكنون
وبكرة تنول رضا غيرك
وانا لسة ف طريق ماشي
مابين
أو بين
الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 9:54

أنا الدرويش
ف دنيا الزيف
لاباقبل غش ومساومة
ولاباقبل بنص رغيف
أنا الدرويش
عاجبنى وراضي بنصيبي
يادنيا هاودى أو صيبي
هاقولها ورزقي ع المولى
أنا الدرويش
باقول الورد واتهجي
ف ألفية تعادى العيش
وامشي وسط ناس هاجة
وجنس العملة برضو مافيش
وانا الدرويش
الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 9:59

كان لسة فيه
**********
كانت إيدين الصحبة وقت الإمتحان
كانت أمان وقت الخطر
كانت
كانت بتمسح دمعتي وتقولي قوم
أنسي الهموم مع صحبتك
أحنا بشر جوة الهدوم
لو عشت عيش اللحظة دي
والفكرة دي
حاول تعيش
كان لسة فيه حلم الحياة
ولا ألف آآآآآآآآآآآآآآآه ممكن ترجعلي اللي كان
بصيت لخطوة تاهت وانتهت
بتقول زمان
اصل اللي عدا وانتهي
مالهوش حياة
مالهوش حياة
***************

الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 11:47

الميــــــــــــــــــــــــــدان



علمني أبويا الكلام واني ماخافشي الحق
علمني حب البلد وماخافشي كلمة لأ
أنا صنعتي إنسان
مش حية جوة الشق


ياخال وحالك عجب بتلف ع الفاضي
مين عيينك والي لجلن تكون قاضي
راعي ضميرك بقي
لاحسن تموت م الزق


العيب ماهوش مختفي في زحمة الطوابير
لكن سحاب الغشم لابد يوم هايطير
ونعود لحضن الوطن
لجل الوطن مايرق


العيب ركوب مركبة وانت مالكشي شراع
والخبث مهما كتر مالهوش لاصوت ولاباع
بكرة الجميع يعترف باللي ضميره مات
وبكرة نعرف أكيد كيف الوطن ينباع


تسألني بنتي حزين
أخفي الدموع عنها
حاسس باني باضيع
لجل الدفاع عنها
محتار مابين الكلام
وهمومي مين عانها
أسرح مع دنيتي
لكني برضو حزين
__________________





الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 11:49

مانيش مارد ولاعصفور
**********

يموت الحلم جوايا ميتين مرة
مابين طلعة قمر غايب
بقاله زمان
وبين لمحة نهار مشنوق
ياخدني الشوق
علي باب الرجا .أحلم
وحلم جديد
بياخدني
و من نفسي
أبان عصفور
بيعشق زقزقة عشه
وضحكة مزوقة وشه
وحر يعيش
بيعلا لفوق
لفوق يعلا
لكنه حزين
ومتعشم بيوم يفرح
مايعرفشي يكون ظالم
ولايعرف ف يوم يجرح
فمات مهموم

مانيش مارد ولاعصفور
ماليش جناحين
لكين طاير بحلم جميل
أكون موال ف وسط كلام
أنا راضي
أكون انسان
أنا راضي
مانيش مارد
ولاعصفور

الرجوع الى أعلى الصفحة اذهب الى الأسفل
أحمد إبراهيم أحمد




عدد المساهمات : 10
نقاط : 14
السٌّمعَة : 0
تاريخ التسجيل : 28/10/2013
العمر : 61

تل بركة ديوان لم ينشر بعد Empty
مُساهمةموضوع: رد: تل بركة ديوان لم ينشر بعد   تل بركة ديوان لم ينشر بعد I_icon_minitimeالأربعاء 19 نوفمبر 2014 - 13:19

لميت ف جراحي

**************



ماتخطي ياخطوة ونادي الجاي
انا قلت ازاي أنا هافرح بيك؟
وعنيك بتغرب ليه موش عارف؟
وانا عازف لحنك طلعة نور
أنا يمكن اكونلك طير مكسور
فحاولت أعيش
مالقتشي جناح متشال ولاريش
وازاي ومافيش
غير روحك تسكن جوايا
وسمايا بلون الصمت تكون
منا عازف لحنك ناي
والناي ليه ساكت مايغنيش

لميت ف جراحي
وقمت الصبح لقتني وحيد
مش هو صباحي
انا عارف طلة شمسه ونوره
انا عارف أسمه ورسمه وجسمه
ولقتني بحركة سريعة جريت
استني الجاي
علي ناصية شارع كان سهران
مع ناس تانيين
لا الليل بقي لينا الخل
ولافيه الحل
والصبح مطرطق ودانه لصوت الناس
وانا



لسة وحيد


الرجوع الى أعلى الصفحة اذهب الى الأسفل
 
تل بركة ديوان لم ينشر بعد
الرجوع الى أعلى الصفحة 
صفحة 1 من اصل 1
 مواضيع مماثلة
-
» تل بركة (أحمد إبراهيم)
» حول ديوان إحكي وقول ياورق
» مربعات سلام مربع اول ديوان لى
» فى حب الأم والوطن . ديوان جماعى لمجموعة شعراء
» ديوان الرسم بالكلمات للشاعر حسن توفيق عبد المطلب

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: موسوعة شعراء العامية العربية . أكتب سيرتك الذاتية-
انتقل الى: