رابطة شعراء العامية المصرية
رابطة شعراء العامية المصرية
رابطة شعراء العامية المصرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رابطة شعراء العامية المصرية

ملتقى شعراء العامية المعاصرين من محافظات مصر .أسسها الشاعرمحمد فتحى السيد على فيس بوك فى24 يناير 2011
 
الرئيسيةأحدث الصورالتسجيلدخول
. . . . . . . . . . أهلاً ومرحبا بكم فى موقعكم الراقى بكم رابطة شعراء العامية المصريةتأسست فى 24 يناير 2011 رئيس مجلس الإدارة الشاعر محمد فتحى السيد
سجل بياناتك وأجمل إبداعاتك فى موسوعة شعراء العامية المصرية .. استمتع بكافة ألوان الشعر العامى المصرى والعربى وتعرف على أحدث ألوان العامية العربية ( مربعات الأرابيسك المعشقة ) برعاية الشاعر محمد فتحى السيد مبتكر هذا الفن وتمتع بالمشاركة فى مسابقاتنا فى كافة ألوان الشعر العامى

 

 إهداء رايح جاى بين الشاعر محمد فتحى والشاعر عادل صابر

اذهب الى الأسفل 
كاتب الموضوعرسالة
Admin
رئيس مجلس الإدارة
رئيس مجلس الإدارة
Admin


عدد المساهمات : 1546
نقاط : 2883
السٌّمعَة : 9
تاريخ التسجيل : 12/10/2011
الموقع : مصر

إهداء رايح جاى بين الشاعر محمد فتحى والشاعر عادل صابر Empty
مُساهمةموضوع: إهداء رايح جاى بين الشاعر محمد فتحى والشاعر عادل صابر   إهداء رايح جاى بين الشاعر محمد فتحى والشاعر عادل صابر I_icon_minitimeالثلاثاء 7 مايو 2013 - 18:33

الى اخى الحبيب الشاعر القدير
الاستاذ / عادل صابر
...............................
يـ اللى تعبت الخيال

عمّال لشعرك تجادل

ادخل تلاقى الجمال

موال ومن صنع عادل

..............................
وحشنى والله كلامك

مشتاق لروعة نصوصك

قرب واهدى سلامك

انا نفسى والله ابوسك

...............................
فى الاسم والفعل عادل

والأصل راجل وصـابر

يـ اللى انت للشعر عادل

غازل حروفك معابر
.................................
انت خطير الواوات

والمواويل دى حكاية

تبنى الحروف اهرامات

بيرك ملوهش نهايه

....................................
اهداء متواضع نت اخوك الغلبان محمد فتحى
===========================
************************************
الشاعر / عادل صابر
الى شاعر مصر الكبير محمد فتحى
ردا على واواته الجميلة التى لااستحقها
***********************************

لما اقرا شعرك يافتحى

تجرى دموعى طبابــــة

والعشق ابدا مافات حى

كيف العليل والطبابـــا !!

***

شعرك يابو العم حِرجان

والعشق عندك جـــزاير

الأنس تاهوا وحار جـــان

لو مرة شعرك جا-زايـــر

***

يابوخالو قولك دا موا-عيش............(ماء وعيش)

شاعر وحافــــظ فنــونــك

م الهم نضرى دا مواعيش

عسى نونى ياجى فى نونك

***

الشعر نبتُـــه كنبتــــك

وسمارُه من لون سمارك

الفَرشـــة هو وكنبتــك

من بحره طــــــارح ثمارك

***

ولا كل من حب قال قول

ولاكل عاشق جا-رايـــــح

قولك يابو العم قلقـــــول

جات ضربته فى الجرايح

***

شعرك دا للجرح طيّاب

واالشعر عندك مساكن

كما نخل واقف فى طيّاب

وف غير ديارك ماساكن!!

***
القـــول بايـــدك مَلَكْته

وفتلت منــــه حِبــــالك

ربــك عطالك ملكتـــــه

وهرب من امـــه وحَبالك

***

القـــول وجالك بلَمُّــــه

زهجان مربــرب بطينُــه

كيف طفل عايش بلاامه

جالك وفـــــارد باطينه

***

وغزلت قــــــولك بنولك

فصَّلت للناس خـــلايق

والشعرا قُبَّــة بنـــولك

واجب تزورها الخـــلايق

..........................
الشاعر / عادل صابر
======================
*****************************
الى اخى الحبيب الشاعر القدير
الاستاذ / عادل صابر
ردا على كلماته الأغلى من الماس لدى
..............................................
كل اما تنزل بتعلى

ياكبير وكلك تواضع

راسك سحابه واعلى

وانت فى كل المواضع

........................
فى الشعر انت البحيره

وانا ابل من فى راسى

مشاعرى مركب ف حيره

وانت الشراع والمراسى

.........................
شعرك مصحصح وفايق

وانا شعرى لساه فى نومه

تاخد نصوصك دقايق

وحروفى عاوزه الحكومه

..........................
انت كلامك جواهر

انت كما البدر ساطع

لو قولت حريف وماهر

هايقوله للشعر راضع

..............................
انا كنت فاقد ونيسى

لكن لقيتك معايه

معرفتش البس قميصى

لبسنى قولك عبايه
................................
اهداء بسيط جدا مع الاعتذار الشديد
لأن الكلام لايرقى لقدرك عندى ابداً
محمد فتحى السيد
===========================
************************************








الرجوع الى أعلى الصفحة اذهب الى الأسفل
https://poetmohamedfathy.forumegypt.net
 
إهداء رايح جاى بين الشاعر محمد فتحى والشاعر عادل صابر
الرجوع الى أعلى الصفحة 
صفحة 1 من اصل 1
 مواضيع مماثلة
-
» لقاء الحروف . الشاعر محمد فتحى والشاعر عادل صابر ( 1 )
» حوار بالشعر بين الشاعر محمد فتحى السيد والشاعر عادل صابر
» اهداء من الشاعر محمد فتحى للشاعر عادل صابر
» اهداء من الشاعر عادل صابر للشاعر محمد فتحى
» مربع إهداء من الشاعر محمد فتحى الى الشاعر عطية شواش

صلاحيات هذا المنتدى:لاتستطيع الرد على المواضيع في هذا المنتدى
رابطة شعراء العامية المصرية :: الشاعر محمد فتحى السيد مختارات من إبداعاته المتنوعة-
انتقل الى: