وائل حسين عمر . فى حب رابطة شعراء العامية المصريه

( قصيدة فى حب رابطة شعراء العامية المصريه ):
===========================
ضاقت بينا الدنيا بحالها
مهما بتبعد
تلقى الدنيا بتجرى وراك
بتزود ف غيومك هم
وتتحداك
روحى وغورى
حتى ولو كنت لى ملاك
واوعى تقولى هستناك
مع إنك مش غاوى تعيشها
غير ف كتابتك أو أشعارك
فك الربطه
وإياك تلبس لى ف كرافته
دى مش فصحى
دى رابطة شعرا العاميه
متوثقه وبختم النسر
فى سفارة قلبى المصريه
تاخد منها كام تأشيره
على رباعيه
تستمتع بفنون الواو والموال
وهتسمع فيها الاغنيه
ومسابقات لنجوم ع الساحه
كله بياخد احلى مساحه
للإبداع الرسمى وحصرى
وأتغندر من فوقى ل تحتى
م الراعى الرسمى لكلامى
الزجَّال ...عمك فتحى
ينكر ذاته
وملذاته أنه يكون راهب للشعر
ويلملم حوالينه الشعرا
يدفع مهر
بكل ما فاته
ما أحنا حياته
نفسى يا خلق اتصور جنبه
ويحضر فرحى ف الأزاريطه
تضحك ليا حروف الدنيا
و ارسم شعرى
ع الكتاتيب أو جنب الحيطه
واحمد ربى أكيد أنا فايز
مش عايز م الدنيا جوايز
أنا طمعان ف ((البورنيطه)).......!
بقلمى :
الشاعر والزَجَّال : وائل حسين عمر
عضو رابطة شعراء العاميه المصريه ... وأفتخر

[center]الله عليك يا أستاذ وائل
وعلى جمال احساسك وتعبيرك الراقى
عن حبك واخلاصك واعتزازك بإنتمائك الى
رابطة شعراء العامية المصرية التى تفخر بك
وتشرف بوجود شاعر مبدع راقى مثلك
يمثلها فى الاسكندرية خاصة وفى مصر والعالم عامة
نحن عاجزين عن شكرك ولروعة نصك
سيتم تثبيته ليظل فى المقدمة هنا
فلك كل الشكر والحب والتقدير
والبرنيطه فى انتظارك فى أقرب لقاء

» تنافس فى حب رابطة شعراء العامية المصرية . لمجموعة شعراء
» الاشتراك فى موسوعة شعراء رابطة العاميه المصريه
» فى حب رابطة شعراء العامية المصرية
» الشاعر حماده النخيلى . فى حب رابطة شعراء العامية المصرية
» الشاعرة وفاء بركات . فى حب رابطة شعراء العامية المصرية